𝐌𝐈𝐋𝐊 𝐀𝐍𝐃 𝐌𝐄𝐀𝐋𝐒 𝐀𝐆𝐀𝐈𝐍𝐒𝐓 𝐌𝐀𝐋𝐍𝐔𝐓𝐑𝐈𝐓𝐈𝐎𝐍 🥛🍪

 

Namahagi muli ang Municipal Nutrition Council ng fresh carabao's milk at food packs para sa mga underweight na kabataang Garciano—isang inisyatiba na taunang inilulunsad ng Lokal na Pamahalaan ng Padre Garcia.

Isinagawa ito ngayong Biyernes ng umaga sa Padre Garcia Municipal Auditorium pagkatapos ng Tree Planting Activity, bilang bahagi pa rin ng Nutrition Month Celebration na may temang "Sa PPAN: Sama-sama sa Nutrisyong Sapat Para sa Lahat!" at may sub-theme na "Nutrisyon at Kalikasan, Ating Pangalagaan!"

Animnapung (60) mga underweight children ang naging benepisyaryo ng programa ngayong taon na nagmula sa labing-pitong (17) mga barangay sa bayan ng Padre Garcia, maliban sa Brgy. Quilo-Quilo South kung saan walang naitala na underweight child.