Pinag-isa ng Padre Garcia Fire Station ang pagdiriwang ng Fire Prevention Month at Women's Month ngayong buwan ng Marso sa pamamagitan ng isang makabuluhang programa: ang Fire Safety and Basic CPR Training na inilaan para sa mga kababaihang kawani ng Lokal na Pamahalaan ng Padre Garcia.
Layunin ng pagsasanay na ito na:
Tiyakin ang kahandaan ng mga lingkod-bayan sa mabilis na pagtugon sa insidente ng sunog.
Mahasa ang kakayahan ng kababaihan sa pagbibigay ng paunang lunas (First Aid at CPR).
Palakasin ang kumpiyansa ng bawat kawani na mag-ambag sa kaligtasan ng kanilang sarili, pamilya, at ng buong komunidad.
Ayon sa Bureau of Fire Protection (BFP), ang ganitong uri ng kaalaman ay mahahalagang kasanayan na nagliligtas ng buhay sa oras ng sakuna. Ang lokal na pamahalaan ay patuloy na sumusuporta sa mga inisyatibong naglalayong gawing mas ligtas at handa ang bawat Garciano.
0 Comments