Bagong halal na opisyales ng Homeroom at General Parent-Teacher Association (PTA)

 Pinangunahan ng mahusay na lingkod-bayan, Kgg. Celsa Braga-Rivera, ang panunumpa ng mga bagong halal na opisyales ng Homeroom at General Parent-Teacher Association (PTA) mula sa Padre Garcia Integrated National High School kalakip ang pangako ng pagsuporta ng pamahalaang bayan sa kanilang panunungkulan.

"Ang isinagawa nating panunumpa ngayong araw sa harap ng ating punong-bayan ay isang patunay ng matatag na ugnayan ng ating paaralan at ng lokal na pamahalaan," saad ni Dr. Mary Jane Gonzales, ina ng paaralan, sa kaniyang mensahe.